فاسٹ باؤلر شعیب اختر اور اوپننگ بیٹسمین محمد حفیظ لاہور کے علامہ اقبال انٹرنیشنل ایئرپورٹ سے براستہ دبئی انگلینڈ کے لیے روانہ ہوئے۔ دونوں کھلاڑیوں نے اس موقع پر لاہور ایئرپورٹ پر موجود میڈیا کے نمائندوں سے بات کرنے سے انکار کردیا۔ پاکستان اور انگلینڈ کے درمیان دو ٹی ٹوئنٹی میچز پانچ اور سات ستمبر کو کھیلے جائیں گے جبکہ دونوں ٹیموں کے مابین پانچ ون ڈے میچوں کی سیریز کا پہلا میچ دس ستمبر، دوسرا بارہ ستمبر، تیسرا سترہ ستمبر، چوتھا بیس ستمبر جبکہ پانچواں اور آخری میچ بائیس ستمبر کو کھیلا جائے گا۔ آل راؤنڈر عبدالرزاق دو روز قبل لندن پہنچ گئے تھے۔