سنی اتحاد کونسل آج ”یوم امن و محبت“ منائے گی‘

لاہور (خصوصی نامہ نگار) سنی اتحاد کونسل کے چیئرمین صاحبزادہ حامد رضا نے اعلان کیا کہ سنی اتحاد کونسل نے آج جمعہ 30 اگست کو ملک بھر میں ”یومِ امن و محبت“ منانے کا اعلان کر دیا۔ ان خیالات کا اظہار انہوں نے سنی اتحاد کونسل پنجاب کے عہدیداران کے اجلاس سے خطاب کرتے ہوئے کیا۔ اجلاس میں پیر سیّد محمد اقبال شاہ، مفتی محمد سعید رضوی، صاحبزادہ عمار سعید سلیمانی، مولانا محمد اکبر نقشبندی، شیخ محمد ذوالفقار رضوی، الحاج سرفراز تارڑ، میاں فہیم اختر اور دیگر نے شرکت کی۔