کراچی(آن لائن)مردم شماری کے نتائج پر پاکستان کا ہر طبقہ مختلف پلیٹ فارمز پر اظہار خیال کر رہا ہے، اس میں سب سے دلچسپ اور چٹکلوں و طنز بھرے تبصرے سوشل میڈیا پر کئے جا رہے ہیں۔ایک دلچسپ رپورٹ کے مطابق مردم شماری کے نتائج کے بعد لوگوں سے توقعات کچھ اور تھیں لیکن نتائج کچھ اور آئے۔ کراچی کی آبادی پر لوگوں نے دل کھول کر فیس بک، ٹوئٹر اور دیگر ویب سائٹس پر اظہار کیا۔کسی نے کہا آدھا کراچی پوچھ رہا ہے، مردم شماری سے ہمیں کیوں نکالا تو کسی نے تبصرہ کیا بِک گئی ہے مردم شماری، لکھنے والوں نے تو یہ بھی لکھا کہ یہ کراچی کی نہیں نیو کراچی کی آبادی ہے۔