لاہور(سپورٹس ڈیسک )ماریا شرا پووا، یوجینی بوچارڈ، سینیاکووا اور میڈیسن کیز فاتحانہ آغاز کرتے ہوئے سال کے چوتھے اور آخری گرینڈ سلام ٹینس ٹورنامنٹ یو ایس اوپن ویمنز سنگلز دوسرے رائونڈ میں پہنچ گئیں۔ راجر فیڈرر، نوواک جوکووک، کائی نیشکوری، جائلز مونفلس اور فوگنینی مینز سنگلز کے دوسرے رائونڈ میں پہنچ گئے۔ سوئس سٹار اور ریکارڈ 20 مرتبہ کے گرینڈ سلام چیمپئن راجر فیڈرر نے حریف جاپانی کھلاڑی یوشیتو نیشیوکا کو 6-2، 6-2 اور 6-4 سے ہرا کر دوسرے رائونڈ میں جگہ بنائی، سربین سٹار اور سابق عالمی نمبر ایک نوویک جوکووک نے ہنگری کے مارٹن کو 6-3، 3-6، 6-4 اور 6-0 سے ہرا کر دوسرے رائونڈ کیلئے کوالیفائی کیا۔