ایشین گیمز ہاکی سیمی فائنل پاکستان آج جاپان کا مقابلہ کرے گا

لاہور ( سپورٹس رپورٹر+نمائندہ سپورٹس) ایشین گیمز2018ء ایں پاکستان ہاکی ٹیم آج سیمی فائنل میں جاپان کے مدمقابل ہوگی۔ پاکستان ٹیم نے گروپ بی میں اپنے پانچ میچ جیت کر 15 پوائنٹس کے ساتھ پہلی پوزیشن حاصل کی تھی جبکہ جاپان کی ٹیم گروپ اے میں 12 پوائنٹس کے ساتھ دوسرے نمبر پر رہی تھی۔ ٹورنامنٹ کے دونوں سیمی فائنل آج کھیلے جائیں گے جس میں پاکستان کا مقابلہ جاپان سے جبکہ دوسری سیمی فائنل میں بھارت اور ملائیشیا کی ٹیمیں مد مقابل ہونگی۔ سیمی فائنل کی فاتح ٹیموں کے درمیان ٹائٹل مقابلہ ہوگا۔