جاوید میانداد نے کراچی کیلئے اپنی خدمات پیش کردیں

لاہور(سپورٹس رپورٹر+نمائندہ سپورٹس ) عمران خان کے کرکٹ کے پرانے ساتھی جاوید میانداد نے کراچی کیلئے اپنی خدمات وزیراعظم کو پیش کردیں۔ ویڈیو پیغام میں جاوید میانداد نے کہا کہ میرے پاس بڑے پلان ہیں،مجھے ٹائم دیں ،عمران خان نے مجھے ہمیشہ خوش آمدید کہا ہے۔ کراچی کی جو بھی پرابلم ہوگی میں اْس کو حل کرسکتا ہوں،مل کر کام کرنے کا وقت ہے۔ ہمیں ایک آدمی کا ساتھ دینا ہوگا، اسے وقت دینا ہوگا ، اس مدت کے بعد سب خود بخود دودھ کا دودھ پانی کا پانی ہوجائے گا۔ ملک کے لئے کام کرنا چاہتا ہوں ،آج بھی میں یہ کہہ رہاہوں کہ مجھے آپ کام دیں۔