لاہور(سپورٹس رپورٹر+نمائندہ سپورٹس) پاکستان ہینڈ بال فیڈریشن کے زیر اہتمام انٹرنیشنل ہینڈبال ساوتھ اینڈ سنٹرل ایشیا یوتھ اینڈ جونیئر ویمن زون II ٹرافی 7 سے 11 نومبر تک یونیورسٹی آف ایگریکلچر فیصل آباد میں منعقد ہوگی۔ چیمپئن شپ میں میزبان پاکستان سمیت 9 ممالک کی ٹیمیں حصہ لیں گی جن میں افغانستان، بنگلہ دیش، بھوٹان، انڈیا، مالدیپ، نیپال، سری لنکا، یمن اور پاکستان شامل ہیں۔ یہ تیسرا موقع ہے کہ انٹرنیشنل ہینڈ بال فیڈریشن کی جانب سے پاکستان کو ایونٹ کی میزبانی دی گئی ہے۔ پہلی مرتبہ پاکستان نے 2014ء میں جبکہ دوسری مرتبہ 2018ء میں ایونٹ میں میزبانی کے فرائض انجام دے رکھے ہیں۔