سیوریج کنویں سے6 مارٹر گولے برآمد، چوک سرورشہید میں خوف وہراس

چوک سرورشہید ، کوٹ ادو(نامہ نگار) سیوریج کنویں سے6 مارٹر گولے برآمد، چوک سرورشہید میں خوف وہراس۔ تفصیل کے مطابق گزشتہ روز چوک سرورشہید مظہر مارکیٹ سے متصل ڈسپوزل پمپ کنواں کی صفائی کرائی جارہی تھی۔ دروغہ صفائی اصغر گورمانی نے دیکھا کہ کنویں میں ایک گٹو پڑا ہے اسے نے اسے اٹھایا دیکھا کہ گٹو میں چھے مارٹرشیل موجود تھے اس نے فوری اپنے چیف آفیسر رانا کاشف کو اطلاع دی وہ فوری موقع پر پہنچ گئے پولیس کی بھاری نفری وہاں پہنچ گئی اور سارے علاقہ کو سیل کردیا۔اسسٹنٹ کمشنر نعیم بشیر نے ضلعی حکام کو اطلاع دی اور سول ڈیفنس کا عملہ بھی موقع پر پہنچ گیااور مذید چیکنگ کی گئی اور لیکن مذید مارٹر گولے یا کوئی بھی اور ممنوعہ شے نہ ملی۔ اسسٹنٹ کمشنر چوک سرورشہید نے نعیم بشیر نے حساس اداروں کو بھی صورت حال سے آگاہ کیا گیا۔ بم ڈسپوزل کے عملہ نے ان مارٹر گولوں کو احتیاط سے دو لکڑی کے کارٹون میں رکھ کر تحویل میں لیا اور اپنے ساتھ مظفرگڑھ لے گئے جہاں ناکارہ کر دئیے گئے۔ سول ڈیفنس کے اہلکار نے بتایا کہ چھے گولے پھٹنے سے بہت بڑا نقصان ہوسکتا تھا۔ پولیس ترجمان کا کہنا ہے کہ تحقیقات کی جائیں گی کہ یہ مارٹر گولے یہاں کیسے پہنچے۔ دوسری جانب خفیہ ایجنسیوں نے بھی تحقیقات شروع کر دی۔
 مارٹر گولے برآمد