لاہور (ا سپورٹس رپورٹر)  پاکستان روپ سکیپنگ فیڈریشن کے زیراہتمام دوسری سکولز اینڈ کالجز روپ سکیپنگ چیمپئن شپ 15 ستمبر سے کراچی میں شروع ہوگی۔ پاکستان روپ سکیپنگ فیڈریشن کے صدر مقبول آرائیں نے بتایا کہ چیمپئن شپ میں سکولز اور کالجز کے طلبا و طالبات حصہ لیں گے اور ٹورنامنٹ میں دو کیٹگریز کے مقابلے رکھے گئے ہیں جن میں انفرادی اور ٹیم ایونٹ کے مقابلے شامل ہیں۔ چیمپئن شپ دو روز تک جاری رہے گی اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔