الفیصل کلب ،حیدری کلب کے درمیان دوستانہ فٹبال میچ برابر 

لاہور ( اسپورٹس رپورٹر)  الفیصل کلب اور حیدری کلب کی ٹیموں کے درمیان دوستانہ فٹبال میچ 2-2 گول سے  برابر رہا۔ گزشتہ روز کراچی کمپنی فٹ بال گرائونڈ، اسلام آباد میں کھیلے گئے دوستانہ میچ میں وقفے تک دونوں ٹیمیں 1-1 گول سے برابر رہیں۔ پہلے ہاف کے 10 ویں منٹ میں الفصیل کلب کے کاشی نے گول کرکے اپنی ٹیم کو برتری دلائی جس کو 25 ویں منٹ میں حیدری کلب کے لاڈو نے گول کرکے مقابلہ 1-1 گول سے برابر کردیا۔ دوسرے ہاف کے تیسرے منٹ میں الفصیل کلب کے سعید ہارون نے گول کرکے مقابلہ1-2 گول کر دیا۔ میچ ختم ہونے سے چند منٹ قبل حیدری کلب کے اسماعیل سینی نے گول کرکے مقابلہ 2-2 گول کر دیا جو مقررہ وقت تک جاری رہا۔