لاہور ( اسپورٹس رپورٹر) پاکستانی بلے باز فخر زمان کے آئوٹ ہونے پر سوشل میڈیا پر میمز وائرل ہو گئیں  جبکہ بھارتی اداکار اور بگ باس سیزن 14 کے امیدوار علی گونی نے فخر کی ایمانداری پر انہیں سلام پیش کیا۔پاکستان بھارت میچ میں کئی ایسے لمحات آئے جنہوں نے شائقین کرکٹ کا دل جیت لیا، ان ہی میں سے ایک لمحہ وہ تھا جب  اہم میچ میں فخر زمان نے سپورٹس مین سپرٹ کا اعلی مظاہرہ کیا،پاکستانی اننگز کے چھٹے اوور میں بھارتی بولر اویش خان نے گیند کروائی جو فخرکے بلے کو معمولی سی چھوتے ہوئے بھارتی کیپر دنیش کارتھک کے ہاتھوں میں گئی ،بھارتی ٹیم کی جانب سے فورا اپیل نہیں کی گئی لیکن فخر زمان نے سپورٹس مین سپرٹ کا مظاہرہ کیا اور امپائر کے فیصلے سے پہلے ہی کریز چھوڑ دی،فخر نے کریز چھوڑی تو امپائر نے بھی آئوٹ دے دیا،اسی حوالے سے اداکار علی گونی فخر کے مداح ہوگئے اور انہوں نے اپنی ٹوئٹ میں کرکٹر کی تعریف کی،علی نے ٹوئٹ میں کہا 'کیا زبردست سپورٹس مین سپرٹ کا مظاہرہ کیا گیا، آپ عزت کے قابل ہیں۔