فیروزوالہ( نامہ نگار ) دریائے راوی کے کنارے واقع گاؤں رات گڑھ میں گھریلو تنازعے پر نوجوان اسد علی نے اپنے دیگر ساتھیوں کی مدد سے فائرنگ کرکے اپنے بہنوئی اور نجی سکول کے ماسٹر عرفان علی کو قتل جبکہ اس کی والدہ شدید زخمی کر دیا۔ جنہیں طبی امداد کیلئے ہسپتال میں داخل کرا دیا گیا ۔عرفان علی کی بیوی کلثوم بی بی کا ساس شمشاد بی بی کیساتھ جھگڑا ہوا جس پر کلثوم بی بی ناراض ہو کر اپنے میکے چلی گئی ۔بدلہ لینے کیلئے کلثوم بی بی کے بھائی اسد علی نے ساتھیوں فرقان علی دیگر افراد کی مدد سے مسلح ہو کر اپنے بہنوئی ماسٹر عرفان علی کے گھر آئے یہاں پر ملزمان نے اندھا دھند فائرنگ کرکے عرفان علی کو قتل اس کی والدہ شمشاد بی بی کو شدید زخمی کردیا ۔ملزمان فرار ہوگئے ،فیروزوالا پولیس نے ملزمان اسد علی، فرحان، کلثوم بی بی، عنصر اور اشرف وغیرہ کیخلاف قتل کے الزام میں مقدمہ درج کرلیا ۔