علی اشرف مغل سے ڈاکٹرزین بھٹی کی ملاقات،سیاسی صورتحال پر تبادلہ خیال

گوجرانوالہ (نمائندہ خصوصی)تحریک انصاف کے رہنما وامیدوار این اے 78علی اشرف مغل سے وزیراعلیٰ پنجاب کے مشیر ڈاکٹرزین بھٹی نے ملاقات کی اور شہر کی سیاسی صورتحال اور عوامی مسائل پر تبادلہ خیال کیااور گوجرانوالہ میں یونیورسٹی کے قیام ،موٹروے سے لنک ،چلڈرن ہسپتال بنانے کے حوالے سے مشترکہ جدوجہد کرنے پر اتفاق کیا گیا اس موقع پر گوجرانوالہ چیمبر آف کامرس کے سابق صدرعمر اشرف مغل بھی موجود تھے وزیراعلیٰ پنجاب چوہدری پرویز الٰہی کے مشیر برائے سیاسی امور ڈاکٹر زین بھٹی نے علی اشرف مغل کی رہائش گاہ پر جاکر ان سے ملاقات کی اس موقع پرٹکٹ ہولڈر این اے 78 علی اشرف مغل، سابق صدر گوجرانوالہ چیمبر آف کامرس عمر اشرف مغل نے مجموعی طور پر سیاسی معاملات پر گفتگو کی اور کہا کہ گوجرانوالہ کی ترقی کیلئے ہم مل جل کر اقدامات کرینگے اور گوجرانوالہ میں یونیورسٹی کے قیام، موٹروے لنک اور چلڈرن ہسپتال کیلئے بھرپور کوشش کی جائے گی ۔