ڈیفنس: ڈرون سے منشیات سمگلنگ کی ایک اور کوشش ناکام‘ کار سوار گرفتار

لاہور (نامہ نگار) اینٹی نارکوٹکس فورس نے ڈرون کے ذریعے بھاری مقدار میں منشیات سمگل کرنے کی ایک اور کوشش ناکام بنا دی۔ ترجمان اے این ایف کے مطابق منشیات سمگل کرنے والے گروہ کا ایک کارندہ ڈیفنس کے علاقے سے گرفتار کر لیا گیا ہے۔ حکام کے مطابق گرفتار ملزم کے قبضے سے ہیروئن اور ڈرون برآمد ہوا ہے۔ خفیہ اطلاع پر ڈی ایچ اے لاہور میں ایک کار کو رکنے کا اشارہ کیا گیا، جس پر کار سوار ملزم نے گاڑی روکنے کے بجائے موقع سے بھگا دی۔ تعاقب کے دوران ملزم نے گاڑی فٹ پاتھ سے ٹکرا گئی۔ کار سوار ملزم لاہور کے رہائشی فیاض حسین کو موقع پر گرفتار کر لیا گیا۔ تلاشی لینے پر گاڑی سے 10 کلوگرام ہیروئن اور ڈرون برآمد کر لیا گیا جبکہ ایک کلوگرام ہیروئن کا ایک پیکٹ ڈرون کے ساتھ منسلک تھا۔ گرفتار ملزم اے این ایف کو دیگر مقدمات میں بھی مطلوب تھا۔ دوران تفتیش ملزم نے ڈرون کے ذریعے منشیات سمگلنگ کا اعتراف کر لیا۔