ڈاکوؤں ‘چوروں نے شہریوں سے کروڑوں روپے ، زیورات، موبائل فون لوٹ لئے

لاہور(نامہ نگار)شہر میں ڈاکوؤں اور چوروں نے وارداتوں میں متعددشہریوں سے کروڑوں روپے ، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ ڈاکوؤں نے باٹا پور میں جہانزیب کے گھر گھس کر اہلخانہ کو گن پوائنٹ پر یرغمال بنا کر 5لاکھ 20 ہزار ، طلائی زیورات، موبائل فون اور دیگر سامان، شمالی چھاؤنی میں صبور سے گن پوائنٹ پر ایک لاکھ 44 ہزار اور موبائل فون ، ساندہ میں الطاف سے 45ہزار و موبائل فون، شاہدرہ ٹاون میں افضل خان سے 70 ہزار و موبائل فون ،مصطفی ٹاؤن میں ستار سے  60ہزار اور موبائل فون، کوٹ لکھپت میں ظفر سے 40ہزارو موبائل فون، گلشن اقبال میں سمیع سے 10ہزار اور موبائل فون ، شفیق آباد میں بلال سے 37ہزار،گھڑی اور موبائل فون لوٹ لیا اورفرار ہوگئے ۔چوروں نے سندر میں اسحاق کے گھر کے تالے توڑ کر 6لاکھ12ہزار ،طلائی زیورات اور دیگرسامان چوری کرلیا ۔ چوروں نے،ڈیفنس،لیاقت آباد، غالب مارکیٹ،سندر اورجنوبی چھاونی سے گاڑیاں جبکہ اچھرہ،بھاٹی گیٹ،نواں کوٹ،شاہدرہ،مانگا منڈی اور رائیونڈ سٹی سے موٹر سائیکلیں چوری کر لیں ۔