کمشنر محمد علی رندھاوا کی زیر صدارت اجلاس

لاہور(خبرنگار) کمشنر لاہور و ڈی جی ایل ڈی اے کی زیر صدارت اہم اجلاس منعقد ہوا۔ اجلاس میں پی آئی سی کی بیوٹیفکیشن و ری ماڈلنگ پر بریفنگ دی گئی۔اجلاس میں مختلف انڈرپاسز کی بیوٹیفکیشن کے لیے ڈیزائنز کا نمونہ پیش کیا گیا۔کمشنر لاہور نے ڈیزائن پر مزید ورکنگ کے لیے کمیٹی کے حوالے کر دیئے۔اجلاس میں چیف انجینئر اسرار سعید اور چیف انجینئر ٹیپا اقرار حسین نے بریفنگ دی۔سبزہ زار سپورٹس کمپلیکس میں شہریوں نے بڑی تعداد میں ممبر شپ حاصل کرلی ہے۔گلبرگ سپورٹس کمپلیکس بھی اگلے مرحلے میں کھلنے کے لیے تیار ہے۔ کرکٹ کے دلدادہ شہریوں کے لیے خوشخبری کا اعلان کرتے ہوئے کمشنرلاہور و ڈی جی ایل ڈی اے نے کہا کہ لاہور میں ایل ڈی اے کے تمام اسپورٹس کمپلیکسز میں باؤلنگ مشینیں لگائی جائیں گی۔پہلے مرحلے میں جوہڑ ٹاؤن ، سبزہ زار سپورٹس کمپلیکس جبکہ اگلے مرحلے میں تمام 12 سپورٹس کمپلیکسز میں مشینیں و ٹرف لگائی جائے گی۔سپورٹس کمپلیکسز میں جم، سوئمنگ، بیڈمنٹن، باسکٹ بال سمیت 20 سے زائد انڈور کھیلوں کی سہولیات موجود ہیں۔