فیروز والہ : نجی  ہوٹل کی ملازمہ سمیت 3افراد قتل 

فیروزوالہ( نامہ نگار) نجی ہوٹل کی ملازمہ سمیت تین افراد قتل‘ ملزمان فرار ہو گئے۔ چک نمبر 44 کے محمد ظفر اقبال کی بیٹی نجی ہوٹل سے فارغ ہو کرگھر کے دروازے پر پہنچی تو موٹرسائیکل سوار جاوید عرف جیدی نے دیگر ساتھیوں کی مدد سے فائرنگ کر کے صبا شہزادی کو ہلاک کر دیا اور فرار ہو گئے۔ ملزم نے اغوا کر کے شادی کی کوشش کی مگر مقتولہ نے انکار کر دیا تھا۔عابد ٹاؤن میں دوسری شادی کرنے پر پہلے خاوند نے فائرنگ کر کے دوسرے شوہر کو ہلاک کر دیا ۔ طارق مسیح کی بیوی شیتل بی بی کی شہزاد نے طلاق کرا کے بعد میں دوسری شادی کرلی تھی۔محلہ احمد پورہ میں جھگڑے پر نوجوان حسن شیخ نے چھری کے وار کر کے ماموں شبیر احمد کو ہلاک کر دیااور فرار ہو گیا۔