امیر بالاج قتل کیس‘ احسن شاہ نے پولیس افسر کے قتل کا منصوبہ بنایا‘مبینہ آڈیو

لاہور(سٹاف رپورٹر)امیر بالاج ٹیپو قتل کے مبینہ ملزم احسن شاہ کی مقابلے سے قبل مبینہ آڈیو سامنے آگئی۔ پولیس ذرائع کا کہنا ہے کہ احسن شاہ نے مبینہ طور پر جیل سے اہلیہ کو فون کیا۔مبینہ آڈیو میں ملزم نے ایک پولیس آفیسر کے قتل کی منصوبہ بندی بارے خاتون سے ذکر کیا‘مبینہ آڈیو میں ملزم احسن شاہ کا کہنا تھا کہ میں نے ایک ماہ کے اندر اندر بیرون ملک چلے جانا ہے۔جانے سے قبل گرفتار کرنیوالے شخص کا کام کرکے جانا ہے ۔مبینہ آڈیو میں خاتون سوال کرتی ہے کہ کون ہے جس نے گرفتار کیا ‘ ملزم احسن شاہ کہتاہے کہ تمہارے والد کا دوست ہے بادامی باغ والا۔ ذرائع کے مطابق ملزم احسن شاہ نے پولیس آفیسر کے قتل کیلئے شوٹر کا بندوبست بھی جیل میں کرلیاتھا۔