لاہور(سپورٹس رپورٹر)پیرس میں پیرا لمپکس کے افتتاح کی رنگا رنگ تقریب ہوئی، ایونٹ میں شریک اتھلیٹس نے اپنے اپنے قومی پرچم کیساتھ مارچ کیا۔پاکستان کے واحد اتھلیٹ حیدر علی نے سبز ہلالی پرچم کیساتھ مارچ پاسٹ کیا، افتتاحی تقریب میں فنکاروں کی شاندار پرفارمنس نے شائقین کے دل موہ لئے، میگا ایونٹ میں 4 ہزار 400 اتھلیٹس ان ایکشن ہوں گے۔حیدر علی 6 ستمبر کو ڈسکس تھرو کے مقابلے میں حصہ لیں گے۔ نیدرلینڈ کے پیرا اتھلیٹ کیرولین گروٹ نے ٹریک سائیکلنگ 500 میٹر ٹائم ٹرائل میں سونے کا تمغہ جیت لیا‘ 35 اعشاریہ 566 سیکنڈز میں فاصلہ طے کیا، فرانس نے چاندی اور کینیڈا نے کانسی کا تمغہ اپنے نام کیا۔