مرکزی مسلم لیگ کے فری دسترخوان کا افتتاح مزمل اقبال ہاشمی نے کردیا 

لاہور (نیوز رپورٹر) مرکزی مسلم لیگ کی جانب سے ہال روڈ مارکیٹ میں فری دسترخوان کا افتتاح کردیا گیا۔ دسترخوان کا افتتاح جنرل سیکرٹری مرکزی مسلم لیگ لاہور ڈاکٹر مزمل اقبال ہاشمی نے کیا۔ اس موقع پر رہنما مرکزی مسلم لیگ ہال روڈ امین بیگ، جمشید احمد، سنئیر نائب صدر اتفاق گروپ لاہور ایس ایم اختر، صدر اتفاق گروپ ہال روڈ حاجی نواز پپو، جنرل سیکرٹری مرکزی مسلم لیگ تحصیل لاہور سٹی چوہدری معاذ اشتیاق، صدر پی پی 147 کاشف ضیاء اور دیگر موجود تھے۔ اس موقع پر عوام الناس کی بڑی تعداد نے بھی شرکت کی۔ جنرل سیکرٹری مرکزی مسلم لیگ لاہور ڈاکٹر مزمل اقبال ہاشمی نے دسترخوان کی افتتاحی تقریب میں موجود شرکاء سے گفتگو کرتے ہوئے کہا حکمرانوں نے آئی ایم ایف کی ایما پر غریب عوام کے منہ  سے نوالہ چھین لیا ہے۔ مرکزی مسلم لیگ اپنے غریب عوام کا احساس کرتے ہوئے لاہور سمیت ملک بھر میں دسترخوان لگا رہی ہے۔