بھارتی سکھ یاتریوں کا 87رکنی وفد گرودوارہ  جنم استھان پہنچ گیا

ننکانہ صاحب (نامہ نگار) بھارتی سکھ یاتریوں کا 87رکنی وفد پارٹی لیڈر سردار بھوپندر سنگھ کی قیادت میں  گرودوارہ  جنم استھان پہنچ گیا۔سکھ یاتری خصوصی بسوں کے ذریعے جب گرودوارہ جنم استھان پہنچے تو وہاں اے سی وجیہہ ثمرین ، اے ایس پی صابرہ ایوب ،مینجر گرودوارہ عمران نبی اور سکھ رہنماؤں نے سکھ یاتریوں کاپرتپاک استقبال کیا سکھ یاتریوں کو پھولوں کے ہار پہنائے اور گلدستے پیش کئے سکھ یاتریوں نے گرودوارہ جنم استھان میں اپنی مذہبی رسومات اداکیں اورشہرکے ساتوں گورودواروں کی یاترا بھی کی پارٹی لیڈر سردار سردار بھوپندر سنگھ نے قیام و طعام ، سیکیورٹی اورٹرانسپورٹ کے بہترین انتظامات کرنے پر حکومت پاکستان ، متروکہ وقف املاک بورڈ اور ضلعی انتظامیہ کا شکریہ ادا کیا انہوں نے کہا کہ پاکستانی سرکار اور عوام نے ہمیںجو پیارو محبت اوعزت و احترام دیا ہے ہم وہ کبھی نہیںبھلا سکیں گے۔