نعت گو شاعر سلطان محمود چشتی کو قومی ایوارڈ 2024 سے نوازا گیا 

گوجرخان (نامہ نگار) ادبی تنظیم ''بزم شمسی'' پاکستان (رجسٹرڈ) تحصیل حاصل پور کے چیئرمین مخدوم سید مبارک علی شمسی اور علمی ادبی شخصیت  راحت امیر خان تری خیلوی کے زیر انتظام جنوبی پنجاب کی سب سے بڑی ادبی تنظیم ''بزم شمسی ''  کے تحت منعقدہ تقریب میں پاکستان بھر سے آنے والے شعراء،ادباء اور مصنفین کو قومی ادبی ایوارڈ 2024ء سے نوازا گیا جس میں خطہ پوٹھوہار کے معروف نعت خواں و نعت گو شاعر سلطان محمود چشتی کو ان کی کتاب ''ادبی کہکشائیں'' پر قومی ایوارڈ 2024ء دیا گیا جس پر اہل قلم سمیت سیاسی،سماجی اور مذہبی شخصیات نے ان کو مبارک باد پیش کی۔