اسلام آباد(وقائع نگار)پاک اہل بیت کے گھرانے کی نوکری جاری رہے گی یہ نوکریاں نصیب والوں کو ہی ملتی ہیں کل 25 صفر کو بسلسلہ چہلم مظلوم کربلا تاریخی و مرکزی جلوس امام بارگاہ محمد اسلم شاہ کاظمی ایف 14 ٹھلہ سیداں اسلام آباد سے برآمد ہوگا سالانہ مرکزی مجلس عزا بھی منعقد ہوگی جلوس مرکزی امام بارگاہ سے برآمد ہو کر مقررہ راستوں سے ہوتا ہوا دربار سخی اجی مبارک شاہ پر پہنچ کر اختتام پذیر ہوگا لاکھوں سوگواران شرکت کریں گے ان خیالات کا اظہار پیر سید عنایت علی شاہ کاظمی گدی نشین دربار سخی شاہ چن چراغ بادشاہ نے مشاورتی اجلاس سے خطاب میں کیا اس موقع پر سید زین علی حیدر المعروف مون شاہ سید حسنین علی حیدر ایڈووکیٹ سید ذوالقرنین علی حیدر اور سید وصی علی حیدر ایڈووکیٹ بھی موجود تھے پیر سید عنایت علی شاہ کاظمی نے کہا کہ ہمارے ابا اجداد نے بھی پاک گھرانے کی نوکریاں کیں ہم بھی انشااللہ یہ نوکریاں کرتے رہیں گے اور ہماری آنے والی نسلیں بھی یہی نوکری کریں گی،معروف نوحہ خواں سید فرحان علی وارث علامہ عاقل رضا زیدی و دیگر نامور ذاکرین و علما کرام ذکر محمد و آل محمد بیان کریں گے۔