لاہور (نیوزرپورٹر)جنرل ہسپتال کی پیرامیڈیکل سٹاف ایسوسی ایشن کے عہدیداروں نے ایل جی ایچ میں یکم جنوری سے ہفتہ صفائی منانے کا اعلان کردیا۔ اس مہم میں ادارے کے تمام ملازمین حصہ لیںگے اور اس دوران کوئی بھی سینٹری ورکر چھٹی پر نہیں جائے گا۔ یہ فیصلہ پیرامیڈیکل سٹاف ایسوسی ایشن کے صوبائی جنرل سیکرٹری رحمت سندھو کے زیرصدارت اجلاس میں کیا گیا۔ اجلاس میں ایل جی ایچ ایسوسی ایشن کے صد ر رانا پرویز اور دیگر عہدیداران اسلم سیال‘ ملک حنیف‘ حمید راج‘ بابر وغیرہ نے شرکت کی۔