وزیرآباد: حجرے میں گیس بھرنے سے دھماکہ‘ امام مسجد جھلس گیا

وزیرآباد(نا مہ نگار) حجر ے میں گیس بھر جانے کی وجہ سے ہولناک دھماکہ ، عمارتوں کے شیشے ٹوٹ اور درودیوار لرز اٹھے ، امام مسجد بری طرح جھلس گیا ،اہل علاقہ خوفزدہ ہوگئے۔گیس کی لوڈ شیڈنگ کے باعث محلہ صلے شاہ غوثیہ مسجدکے پیش امام قاری کامل نواز کے حجرہ میں گیس کا چلتا چولہا بجھ گیا اور دوبارہ گیس آنے پر کمرے میں گیس بھر گئی ، کسی کام کے لیے دیا سلائی جلائی تو زور دار دھماکہ ہوگیاجس کے نتیجہ میں مسجد کی دیوار زمین بوس ہو گئی۔ جھلس جانے والے قاری کامل نواز کو تحصیل ہیڈ کوارٹر ہسپتال پہنچادیا گیا۔