آل پنجاب انٹر ریجنزپولیس جوڈو ٹورنامنٹ‘لاہور ریجن کی پہلی پوزیشن

لاہور (نامہ نگار) پولیس لائنز قلعہ گجر سنگھ میں سالانہ آل پنجاب انٹر ریجنز ٹورنامنٹ میں جوڈو کے مقابلے‘ افتتاح اے ایس پی گلبرگ عبدالوہاب اور ڈسٹرکٹ سپورٹس آفیسر اے ایس پی ہیڈکوارٹرز عائشہ بٹ نے کیا۔ایس پی صدر علی سید نے بطور مہمان خصوصی شرکت کی۔ لاہور، گوجرانوالہ، ڈی جی خان ریجنز ،پنجاب کانسٹیبلری اور پی ٹی سی چوہنگ نے حصہ لیا۔ لاہور ریجن نے7 گولڈ میڈلزجیت کر پہلے ‘گوجرانوالہ ریجن نے ایک گولڈ میڈل اور چار سلور میڈلز کیساتھ دوسرے جبکہ پنجاب کانسٹیبلری ایک گولڈ میڈل دو سلور میڈلزکیساتھ تیسرے نمبر پر رہی۔ لاہور ریجن سے سہیل، شعیب، شفاقت، سلمان، شفیق، عابد نے گولڈ میڈل حاصل کیے۔ گوجرانوالہ ریجن سے شرجیل اور پنجاب کانسٹیبلری سے عامر شہزاد نے گولڈ میڈل حاصل کیا۔ اے ایس پی ہیڈکوارٹرز عائشہ بٹ نے مہمان خصوصی ایس پی صدر علی سید کو اعزازی شیلڈ بھی پیش کی۔