جنوبی افریقہ نے کوئنٹن ڈی کوک اور باؤلرز کی شاندار کارکردگی کی بدولت انگلینڈ کو پہلے ٹیسٹ میچ میں 107رنز سے شکست دیکر سیریز میں 0-1 کی برتری حاصل کر لی۔سنچورین میں انگلینڈ نے ٹاس جیت کر باؤلنگ کا فیصلہ کیا تو جنوبی افریقہ کی ٹیم پہلی اننگز میں 284رنز بنا کر آؤٹ ہو گئی۔ جواب میں انگلینڈ کی ٹیم پہلی اننگز میں 181 رنز بنا سکی۔ میزبان ٹیم نے انگلینڈ کو فتح کیلئے 376رنز کا ہدف دیا۔ انگلش اوپنرز نے 92رنز کی شراکت قائم کی۔ انگلش ٹیم 268رنز پر ڈھیر ہو کر میچ میں 107رنز سے شکست کھا بیٹھی۔ کاگیسوربادا نے 4 اور نورجے نے تین وکٹیں حاصل کیں۔کوئنٹن ڈی کوک کو شاندار بیٹنگ اور 8کیچ پکڑنے پر میچ کا بہترین کھلاڑی قرار دیا گیا۔ میچ میں فتح کے ساتھ ہی جنوبی افریقہ نے 4 ٹیسٹ میچوں کی سیریز میں 0-4 کی برتری حاصل کر لی ہے جہاں سیریز کا دوسرا ٹیسٹ میچ 3جنوری سے کیپ ٹاؤن میں کھیلا جائے گا۔