پسرور، بھکھی، ڈسکہ (نامہ نگاران) پسرور میں فرسٹ ایئر کے طالب علم سے 4 ملزموں کی گن پوائنٹ پر زیادتی جبکہ ڈسکہ میں خاتو1ن کو بے آبرو کردیا گیا۔ تفصیلات کے مطابق ڈسکہ محلہ اسلام پورہ میں خاتون کے گھر اس کی بہن ایک ماہ قبل گوجرانوالہ سے رہنے آئی جو گھر میں اکیلی موجود تھی اسی دوران ملزم علی رضا گھس آیا اور خاتون کیساتھ زبردستی زیادتی کرڈالی۔ اس دوران خاتون حاملہ بھی ہوگئی پولیس نے مقدمہ درج کرلیاہے۔ دوسری طرف پنجاب کالج چونڈہ میں زیرتعلیم سال اول کے طالبعلم عثمان کو اوباش نوجوانوں جنید، احتشام شامی ،علی عرف رولا اور بلال نے بہانے سے مقامی سکول میں بلایا اور اس کی کنپٹی پر پستول رکھ باری باری زیادتی کی ۔ پولیس تھانہ پھلورہ نے متاثرہ طالبعلم کے چچا کی درخواست پر ملزمان کے خلاف مقدمہ درج کرکے ایک ملزم کو گرفتار کرکے دیگر کی تلاش شروع کردی ہے۔ معلوم ہوا ہے کہ دیگر ملزمان نے عدالت سے 23جنوری تک ضمانت قبل از گرفتاری کروا لی ہے۔ اس طرح بھکھی کے محلہ درس والا میں محنت کش کا دس سالہ بیٹا عطائی محمد اعظم کے کلینک پر ملازمت کرتا تھا جسے درندہ صفت عطائی نے زیادتی کا نشانہ بنا ڈالا۔ متاثر ہ کے ورثا کے مطابق با اثر ملزم صلح نہ کرنے پر سنگین نتائج کی دھمکیاں دے رہا ہے۔