لاہور(خصوصی نامہ نگار)تحریک لبیک یا رسول اللہ صلی اللہ علیک و سلم کے سربراہ ڈاکٹر محمد اشرف آصف جلالی نے کہا: نیو ائیر نائٹ کے نام پربے حیائی، بد معاشی اور شراب نوشی مسلم معاشرے پر بدی کی یلغار ہے۔ نہ یہ اسلامی تقویم کے مطابق نیو ائیر نائٹ ہے، اور نہ ہی اسلامی تعلیم کے مطابق یہ نیو ائیر نائٹ منانے کا طریقہ ہے۔ کرسمس اور نیو ائیر نائٹ کے موقع پر شیطان کو سرِ عام چھٹی دینے سے روحانی اور اخلاقی اقدار کا جنازہ نکالاجا رہا ہے۔ ہوٹلوں اور کلبوں کو گناہوں کا اڈا بنانے کے لیے کافی دنوں سے بکنگ جاری ہے۔