دولتالہ سکھو ( نامہ نگار )  چوہدری صادق ہائوس محلہ ڈاکخانہ سکھو کی بیٹھک کی رونقین بحال ہو گئیں ہیں پی پی رہنما  چوہدری مسعود کھوکھر کی وطن واپسی کے بعد گزشتہ روز انہوں نے گوجرخان کے سینئرصحافیوں ،اکابرین علاقہ اور اپنے خاندان کی سرکردہ شخصیات  کے اعزاز میں میں پیر کی شام گئے ایک پر تکلف عشائیہ دیا جس میں آستانہ عالیہ للیال شریف کے سجا دہ نشین پیر سید منصور علی شاہ گیلانی نے خصوصی شرکت کی جبکہ گوجرخان کے ممتاز صحافی  احمد نواز کھوکھر اور راجہ اسد رونق محفل تھے جبکہ دیگر شرکاء میں معروف قانون دان و جرنلسٹ کلیم اللہ بھٹی ، طلعت سیال ، خواجہ ظہیر اختر ،ڈاکٹر طاہر نیاز،محمود احمد میر ، عامر کھوکھر،تنویر افسر،شیخ حفیظ ،ماسٹر ایاز ، مولوی مظہر متیال سابق کونسلر راجہ ظہیر احمد کیانی ،  اور دیگر شامل تھے،عشائیہ شرکاء پیر سید منصور علی شاہ گیلانی کی جامعہ اور مختصر گفتگو سے محظوظ ہوئے وہاں پیپلز پارٹی کے رہنما چوہدری مسعود کھوکھر نے سابق وزیر اعظم راجہ پرویز اشرف ایم این اے کی اہل علاقہ کیلئے پیش کردہ خدمات کا خصوصی تذکرہ کرتے ہوئے انہیں خراج تحسین پیش کیا اور کہا کہ سابق وزیر اعظم راجہ پرویز اشرف نے علاقہ کی تعمیر وترقی او رعوامی بھلائی کیلئے جو پھول لگائے آج بھی ان کی مہک قریہ قریہ محسوس ہو رہی ہے۔اس موقع پر چوہدری مسعود کھر نے علاقہ کی روایتی اور مشہور سوغات :تلواں : کے شرکاء میں گفٹ تقسیم کرکے مہمان نواز کی اپنی روایت کو برقرار رکھا ۔