لاہور(سپورٹس رپورٹر+نمائندہ سپورٹس) نیوزی لینڈ میں  فائربرڈز نے ٹی ٹونٹی میچ میں پاکستان شاہینز کو 9 وکٹوں سے ہرا دیا۔ ویلنگٹن فائربرڈز نے پاکستان شاہینز ٹیم کی جانب سے دیا گیا 92 رنز کا ہدف 9.5 اوورز میں ایک وکٹ  پر حاصل کر لیا۔ ڈیون کانوائے 48 اور راچن روندرا 35 رنز بنا کر ناٹ آؤٹ رہے۔ واحد وکٹ محمد حسنین نے حاصل کی۔ اس سے قبل پاکستان شاہینز کی پوری ٹیم 17.4 اوورز میں 91 رنز بنا کر آؤٹ ہوگئی تھی۔ دانش عزیز نے 28 رنز بنائے تھے، عثمان قادر 23 رنز پر ناٹ آؤٹ رہے  تھے۔ جیمی گبسن نے تین وکٹیں حاصل کی تھیں۔ پاکستان شاہینز کی ٹیم اپنا تیسرا ٹی ٹونٹی میچ یکم جنوری کو کنٹر بری کے خلاف کھیلے گی۔