گوجرانوالہ(نمائندہ خصوصی)ڈائریکٹر انفارمیشن گوجرانوالہ ڈویژن حامد جاویداعوان نے کہا ہے کھیل انسان کی شخصیت سازی میں نمایاں کرداراداکرتے ہیں اورکھیلوں کے فروغ سے صحت مند معاشرہ تشکیل پاتاہے حکومت پنجاب کی ہدایات کی روشنی میں محکمہ سپورٹس کے زیراہتمام سنٹرل پنجاب کراٹے چمپیئن شپ کا انعقاد اسی سلسلہ کی ایک کڑی ہے جس کے انعقاد سے کھلاڑیوں میں سپورٹس مین سپرٹ پیداہوگا ان خیالات کا ظہار انہوںنے شہباز شریف جمنیزیم میں سنٹرل پنجاب کراٹے چمپیئن شپ کے شرکاء سے خطاب کرتے ہوئے کیا ۔ ڈویژنل سپورٹس آفیسر سیف الرحمن نے اس موقع پر بتایا سنٹرل پنجاب کراٹے چمپیئن شپ میں فیصل آباد ، سرگودھا، لاہور، گوجرانوالہ کے علاوہ راولپنڈی کی ٹیموں نے حصہ لیا اوران ٹیموں میں سخت مقابلے کے بعد گوجرانوالہ کی ٹیم نے پہلی ، لاہور کی ٹیم نے دوسری جبکہ فیصل آباد اورراولپنڈی کی ٹیموںنے تیسری پوزیشن حاصل کی ، تقریب کے اختتام پر مہمانان گرامی نے پوزیشن ہولڈر ٹیموں کے درمیان شیلڈز اورمیڈلز تقسیم کئے۔