گوجرانوالہ(نمائندہ خصوصی)گیپکو کے سیکورٹی سٹاف کی اَپ گریڈیشن پر گیپکو ہیڈ کوارٹر میں خصوصی تقریب کا انعقاد کیا گیا،چیف ایگزیکٹوچوہدی محمد امین تقریب کے مہمانِ خصوصی تھے جبکہ جنرل مینجرز محمد لطیف مغل، محمد اکرم،معین شریف، ڈی جی ایچ آر اینڈ ایڈمن انصار حسین، چیف انجینئر زاحمد فواد، الیاس گھمن، میجر (ریٹائرڈ) فرحان نذیر ،سی بی اے کے ریجنل چیئرمین ولی الرحمن خاں سمیت گیپکو افسران ، سیکورٹی سٹاف و ملازمین کی کثیر تعداد نے شرکت کی تقریب سے خطاب کرتے ہوئے چیف ایگزیکٹو چوہدری محمد امین نے اَپ گریڈ ہونے والے ملازمین کو مبارکباد دیتے ہوئے کہا کہ گیپکوسلیکشن بورڈ کی سفارشات پر 2سیکورٹی انسپکٹر کو بی پی ایس 15سے16میں ، 8سیکورٹی سارجنٹس کو بی پی ایس 8سے10اور79سیکورٹی گارڈ کو بی پی ایس 6سے8میں اَپ گریڈ کیا گیا ہے انہوں نے کہا کہ گیپکوسکیورٹی کو مزید موثر اور فول پروف بنانے کیلئے خاطرخواہ اقدامات کئے جا رہے ہیں۔