رائیونڈ (نامہ نگار) پنجاب کالج رائیونڈ میں نئے آنے والے طلباء اور طالبات کے لیے ویلکم پارٹی فیسٹیول کا اہتمام کیا گیا جس کے مہمان خصوصی ملک کے نامور مزاحیہ شاعر سید سلمان گیلانی تھے ۔پہلے روز طالبات نے مختلف پروگرام میں حصہ لیا تقریب کے دوسرے حصہ میں شاندار نتائج کی حامل طالبات میں کالج کی طرف سے انعامات تقسیم کئے گئے ۔ تقریب میں موسیقی کا بھی انتظام کیا گیا تھا ۔ مرکزی پریس کلب رائیونڈ کے سرپرست اعلی چوہدری حاجی محمد سرور گجر ،سینئر وائس چیئرمین سید ظفر ساجد ،چیف ایگزیکٹو حنا عاطف سبزواری نے طالبات میں تعریفی اسناد اور تحائف تقسیم کئے ۔