اسلام آباد (خبرنگار خصوصی) کیڈٹ کالج پٹارو میں 59ویں یوم والدین کی تقریب منعقد ہوئی۔ چیف آف دی نیول سٹاف ایڈمرل محمد امجد خان نیازی نے تقریب میں بطور مہمان خصوصی شرکت کی۔ تقریب سے خطاب کرتے ہوئے نیول چیف نے مؤثر تعلیمی ماحول میں معیاری تعلیم کی فراہمی، بنیادی انفراسٹرکچر کی سہولیات، فیکلٹی اور کیڈٹس کی کردار سازی کیلئے کیڈٹ کالج پٹاروکی خدمات کو سراہا۔ امیرالبحر نے ایوارڈ جیتنے والے کیڈٹس کو انعامات دیے اور تعلیمی اور مختلف ہم نصابی سرگرمیوں میں ان کی کارکردگی کو بھی سراہا۔ تقریب کے دوران کیڈٹس کی جانب سے مارچ پاسٹ اور فیزیکل ٹریننگ، جمناسٹک، کراٹے اور گھڑ سواری کا شاندار مظاہرہ پیش کیا گیا۔ کلب کی سرگرمیوں کی ایک نمائش کا بھی اہتمام کیا گیا جس میں کیڈٹس نے اسٹالز کی صورت میں اپنی صلاحیتوں کا مظاہرہ کیا۔ تقریب میں چیئرمین بورڈ آف گورنرز کیڈٹ کالج پٹارو اور کمانڈر کراچی ریئر ایڈمرل میاں ذاکر اللہ جان، ملٹری افسران، سندھ حکومت کے سینئر افسران، کیڈٹس کے والدین اور دیگر معززین نے شرکت کی۔
ا میرالبحر