2021 میں کریک ڈائون، منوں منشیات برآمد، 9ہزار سے زائد ملزم گرفتار

لاہور (نامہ نگار) سال 2021ء میں لاہور پولیس کا منشیات فروشوں اور جواریوں کے خلاف بڑا کریک ڈاؤن جاری رہا۔ لاہور پولیس نے منشیات فروشی پر 9 ہزار 77 مقدمات درج کئے، منشیات کے مکروہ دھندے میں ملوث 9 ہزار 206 ملزمان کو گرفتار کیا گیا۔ ملزمان کے قبضہ سے 03 ہزار 970 کلو گرام چرس برآمد کی گئی۔ 102 کلو سے زائد ہیروئن، 169 کلو افیون، 28 کلو 332 گرام آئس برآمد کی گئی۔ سال 2021ء  میں 1 لاکھ  82 ہزار  952  لٹر شراب برآمد کی گئی۔ لاہور پولیس نے قماربازی پر 948 مقدمات درج کئے۔ 4 ہزار 827 ملزمان کو گرفتار کیا گیا۔ لاہور پولیس کا کینال روڈ پر نشیئوں کے خلاف بھی ایکشن جاری رہا۔ سی سی پی او لاہور فیاض احمد دیو کا کہنا تھا کہ بڑے مگرمچھوں کی گرفتاری کیلئے انٹیلی جنس بیسڈ آپریشنز کئے گئے۔ سال 2021ء کے دوران منشیات فروشوں کے متعدد نیٹ ورکس توڑے گئے۔ نوجوان نسل کو نشہ کی لت سے محفوظ رکھا جائے گا۔