ملتان (نمائندہ خصوصی) آ ل پاکستان بیڈ شیٹ اینڈ اَپ ہولسٹری مینوفیکچررز ایسوسی ایشن کے ہیڈ آفس میں معروف ای کامرس کمپنی ایمزون کے پلیٹ فارم سے برآمدات بڑھانے کے موضوع پر ایک روزہ تربیتی سیمینار کا انعقاد کیا گیا۔ اس سیمینار میں ماسٹر ٹرینر شاہ زمان نے کے ممبران کو ایمزون پر رجسٹریشن کے طریقہ کار کے علاوہ اپنے کاروبار کو منظم کرنے اور درپیش مسائل پر تفصیل سے رہنمائی فراہم کی۔ سید محمد عاصم شاہ نے کہا کہ ای کامرس اور ایمزون جیسے موضوع پر ٹریننگ سیشن کا انعقاد نہایت اہمیت کا حامل ہے۔سید محمد عاصم شاہ نے اس امر پر زور دیا کہ سمیڈا اور متعلقہ حکومتی مشینری ان مسائل کو حل کرنے میں مدد کریں جس میں اپ بیما بھر پور تعاون کرنے کیلئے تیار ہے۔ ذوالفقار علی ممبر ایگزیکٹو کمیٹی نے امید ظاہر کی کہ اس ضمن میں مزید معلومات اور رہنمائی کیلئے اپ بیما کو ایس ایم ای ٗ بی ایس ایف کا  تعاون میسر رہے گا۔  تقریب کے اختتام پر سید محمد عاصم شاہ کو یاد گاری شیلڈ پیش کی گئی