نیو ایئر نائٹ سکیورٹی ‘5ہزار  سے زائد پولیس افسر ‘اہلکار تعینات 

لاہور(نامہ نگار)لاہور پولیس آپریشنز ونگ نے نیو ائیر نائٹ کے سکیورٹی انتظامات مکمل کر لئے ہیں۔ نیو ایئر نائٹ کے موقع پرلاہور پولیس کے 5ہزار سے زائد افسران واہلکار تعینات ہونگے۔اسلحہ کی نمائش، ہوائی فائرنگ، آتش بازی کرنیوالوں کیخلاف بلاامتیاز کاروائیاں کی جائیں گی۔ قانون شکنی،ہلڑ بازی اورنقص امن کا باعث بننے والے عناصر نیو ایئر نائٹ حوالات میں گذاریں گے۔ آتش بازی کا سامان بنانے اور فروخت کرنیوالوں کیخلاف کریک ڈاؤن جاری ہے۔