لاہور( سپورٹس رپورٹر)انٹرنیشنل کرکٹ کونسل کی ٹیسٹ رینکنگ میں قومی ٹیم کے کپتان بابراعظم 9ویں اور شاہین شاہ آفریدی تیسرے نمبر پر براجمان ہیں۔بیٹنگ درجہ بندی میں آسٹریلیا کے لابو شین کا بدستور پہلا نمبر ،کیوی کپتان کین ولیمسن ایک درجہ ترقی کے بعد تیسرے نمبر پر پہنچ گئے جبکہ سٹیو سمتھ بھی ایک درجہ تنزلی کے بعد چوتھی پوزیشن پر چلے گئے ہیں۔بھارت کے ویرات کوہلی کا ساتواں نمبر جبکہ پاکستان ٹیم کے کپتان بابر اعظم 9ویں نمبر پر موجود ہیں۔باؤلرز کی درجہ بندی میں پاکستان کے شاہین شاہ آفریدی کی تیسری پوزیشن ہے۔آسٹریلیا کے پیٹ کمنز پہلے اور بھارت کے روی چندرن ایشون دوسرے نمبر پر ہیں۔آل راؤنڈرزکی درجہ بندی میں کوئی بھی پاکستانی ٹاپ 10میں جگہ نہ بناسکا جبکہ ویسٹ انڈیز کے جیسن ہولڈر پہلے،بھارت کے ایشون دوسرے اور بھارت ہی کے رویندرا جدیجہ کا تیسرا نمبر ہے۔