دادو(نامہ نگار)انڈس ہائی وے دادو پر تھانہ مخدوم بلاول کے قریب شکارپور سے کراچی جانے والی تیز رفتار مسافر کوچ کار کو اور ٹیک کرتے الٹ گئی کار بھی کھیتوں میں جا گری مسافر کوچ کے 15  مسافر زخمی ہوگئے حادثے کی اطلاع ملتے ہی حدود کی پولیس، موٹروے پولیس اور ریسکیو ٹیمیں جائے وقوعہ پر پہنچ کر ڈی ایچ کیو اسپتال دادو منتقل کیا ڈی ایچ کیو دادو انتظامیہ نے حادثے کے پیش نظر شعبہ حادثات میں ایمرجنسی نافذ کردی سول سرجن عبدالکریم میرانی بھی شعبہ ایمرجنسی پہنچ گئے جہاں پر مریضوں کو طبی امداد دی گئی نازک حالت کے مریضوں دیگر اسپتالوں میں ریفر کردیا گیا۔پولیس اور ریسکیو ٹیموں کی فراہم کردیا معلومات کے مطابق حادثے میں غلام فاطمہ، عزیز اللہ، ریشا مسیح لالم مسیح، احمد بخش چانڈیو زین مستوئی، عطا اللہ بروہی اور دیگر زخمی ہوئے حادثے کا شکار مسافر کوچ شکارپور سے کراچی جا رہی تھی تاہم حادثے کا شکار کار کے مسافر محفوظ رہے۔