پنجاب کے دور دراز علاقوں میں کالجز بنانے کیلئے تمام تر اقدامات بروئے کار لائیں گے

فروغ تعلیم میں نجی شعبے کیلئے آسانیاں پیدا کی جائیں گی،اجلاس میں گفتگو

وزیراعلیٰ پنجاب عثمان بزدار نے کہا ہے کہ پنجاب بدل رہا ہے، ٹیکنو پولس منصوبہ حقیقی معنوں میں ایجوکیشنل گیم چینجر ثابت ہوگا۔وزیراعلیٰ پنجاب عثمان بزدار کی زیر صدارت محکمہ ہائر ایجوکیشن سے متعلق اجلاس ہوا، جس میں پنجاب میں یونیورسٹیوں کے قیام کے حوالے سے پیشرفت کا جائزہ لیا گیا۔ عثمان بزدار نے یونیورسٹیوں کے قیام سے متعلقہ امور پر عملدرآمد کی ہدایت کر دی۔اس موقع پر وزیراعلیٰ پنجاب  نے کہا کہ نئی یونیورسٹیاں بننے سے دور دراز علاقوں کے طلبہ بالخصوص طالبات مستفید ہوں گی، صوبے بھر میں نئے کالجوں کے قیام کیلئے سرکاری اراضی کی منتقلی کی اصولی منظوری دے دی ہے، پنجاب حکومت نوجوانوں کو اعلی تعلیم کے مواقع ان کی دہلیز پر فراہم کرنے کیلئے کوشاں ہے، پنجاب کو ہائر ایجوکیشن کا ہب بنانا چاہتے ہیں، پنجاب کے دور دراز علاقوں میں کالجز بنانے کیلئے تمام تر اقدامات بروئے کار لائیں گے۔انہوں نے کہا کہ عالمی سطح پر پنجاب کی یونیورسٹیوں کی رینکنگ میں بہتری خوش آئند ہے، پنجاب کے دور دراز علاقوں میں کالجز بنانے کیلئے تمام تر اقدامات بروئے کار لائیں گے، پنجاب بدل رہا ہے، تعلیمی انقلاب دستک دے رہا ہے، فروغ تعلیم میں نجی شعبے کیلئے آسانیاں پیدا کی جائیں گی، ٹیکنو پولس منصوبہ حقیقی معنوں میں ایجوکیشنل گیم چینجر ثابت ہوگا۔واضح رہے صوبائی وزیر ہائر ایجوکیشن راجہ یاسر ہمایوں، صوبائی وزیر خزانہ ہاشم جواں بخت، سینئر ممبر بورڈ آف ریونیو، پرنسپل سیکرٹری وزیراعلی، سیکرٹری ہائر ایجوکیشن اور متعلقہ حکام بھی اجلاس میں شریک ہوئے۔