کراچی ( اسٹاف رپورٹر ) وفاقی اردو یونیورسٹی کے ناظم امتحانات غیاث الدین احمد کے مطابق بی اے اوربی کام پرائیویٹ(ناکام طلباء و طالبات) کے امتحانی فارم جمع کرانے کی تاریخ میں4جنوری 2023تک توسیع کردی گئی ہے۔ امتحانات میں شرکت کے خواہشمند طلبہ امتحانی فارم اور فیس وائوچرجامعہ اردوکی و یب سائٹ پر آن لائن پُر کرکے پرنٹ حاصل کرسکتے ہیں۔ کراچی کے امیدوار ان امتحانی فیس وائوچرپر درج بینک میں جمع کرائیں۔فارم اورفیس وائوچر شعبہ امتحانات پرائیویٹ کائونٹر گلشن اقبال اورعبدالحق کیمپسزمیں جمع کرائیں۔بی اے ،بی کام(سال اول و دوئم ) کی امتحانی فیس5000/- روپے جبکہ بی اے ، بی کام (مشترکہ) کی امتحانی فیس/- 7500 روپے مقرر کی گئی ہے۔دریں اثناء وفاقی اردو یونیورسٹی کے ناظم امتحانات غیاث الدین احمد کے مطابق معادلہ(مدارس)کے طلباء و طالبات امتحانی فارم 4جنوری 2023تک جمع کراسکتے ہیں۔ معادلہ(مدارس ) کی امتحانی فیس5000/- روپے مقرر کی گئی ہے۔