آئی سی سی کا مینز ،ویمنز کے بہترین ٹی20کھلاڑیوں کی نامزدگیوں کا اعلان

اسلام آباد(سپورٹس رپورٹر)انٹرنیشنل کرکٹ کونسل(آئی سی سی ) نے مینز اور ویمنز کرکٹ میں سال کے بہترین ٹی20کھلاڑیوں کی نامزدگیوں کا اعلان کردیا ہے پاکستان کے محمد رضوان اور ندا ڈار اس فہرست میں جگہ بنانے میں کامیاب رہے ہیںمینز کرکٹ میں رضوان نے گزشتہ سال کی طرح 2022 میں بھی تواتر کے ساتھ رنز اسکور کیے اور 25میچوں میں 996رنز بنانے کے ساتھ ساتھ 9کیچز اور تین اسٹمپ میں بھی ان کا کردار رہاوکٹ کیپر بلے باز نے سال بھر میں 45کی اوسط سے رنز بنائے 10نصف سنچریاں اسکور کیں اور ورلڈ کپ میں بھی 175رنز بنائے ویمنز کرکٹ میں بھی سال کے بہترین کھلاڑی کے ناموں کا اعلان کردیا گیا ہے پاکستان کی ندا ڈار کو ایوارڈ کے لیے نامزد کیا گیا ہے جبکہ ان کا بھارت کی سمرتی مندھانا، نیوزی لینڈ کی صوفی ڈیوائن اور آسٹریلیا کی تہلا میک گرا سے مقابلہ ہے پاکستان کی ندا ڈار نے 2022 میں بہترین کھیل پیش کرتے ہوئے 56.67 کی اوسط سے 16 میچوں میں 396 رنز بنائے جبکہ 15 وکٹیں بھی حاصل کیں۔