سلیکٹڈ کی سیاست کو ہمیشہ کیلئے دفن کرنا ہے: سینیٹر وقار مہدی

ملتان(سپیشل  رپورٹر )پاکستان پیپلز پارٹی ملتان شہر کے ڈپٹی جنرل سیکرٹری و سابق صدر کلرک بار ایسوسی ایشن ملتان حاجی امین ساجد۔پی پی پی  ملتان ڈویژن کے نائب صدر سلیم شہزاد نے گڑھی خدا بخش پی پی پی کے رہنما و سینیٹر وقار مہدی  کو سینیٹر بننے پر مبارکباد دی ۔ سینیٹرنے حاجی محمد امین ساجد سے خصوصی گفتگو کرتے ہوئے  کہا کہ پاکستان پیپلز پارٹی کے چیئرمین بلاول بھٹو زرداری نے سلیکٹڈ سیاستدانوں کو ماضی کا قصہ قرار دیتے ہوئے کہا کہ آنے والا وقت جیالوں اور عوام کا ہے، آئندہ 15 سالوں کے دوران ہمیں بہت کام کرنا ہے۔ ہمیں جھوٹ، فساد اور سلیکٹڈ کی سیاست کو ہمیشہ کے لئے دفن کرنا ہے۔