فیروزوالہ:شراب کی 2 چالو بھٹیاں پکڑ لی، سینکڑوں بوتلیں برآمد  

فیروزوالہ( نامہ نگار) صدر مرید کے پولیس نے نئے سال کی آمد کے موقع پراسلحہ کی نما ئش وہوائی فائرنگ ،ون ویلنگ، شراب نوشی اور دیگر قانون شکنی کرنیوالوں کیخلاف کریک ڈاون کرنے کیلئے ٹیمیں تشکیل دیدی۔ ڈی پی او شیخوپورہ زاہد نواز مروت ہدایات پر ڈی ایس پی مرید کے ملک طاہر صدیق کی نگرانی میں ایس ایچ او صدر مرید کے سید ظہیر عالم شاہ نے ٹیم کے ہمراہ مختلف مقامات پر چھاپے مار کر نئے سال  کے موقع پر بڑے پیمانے پر شراب کی سپلائی کرنیوالے 2 شراب کشید کرنے والے چالو بھٹیاں پکڑ لی۔ ان کے مالکان اور کاندوں سمیت 4 ارکان کو حراست میں لے لیا ان کے قبضہ سے سینکڑوں بوتلیں شراب اور بڑی مقدار میں لاہن برآمد کر کے شراب کشید کرنیوالے تمام آلات قبضہ میں لے لیے۔ پولیس نے جن ملزمان کو گرفتار کیا ان میں علی رضا ،زین اور زہیب وغیرہ شامل ہیں۔