خضدار؍ دیر بالا (نوائے وقت رپورٹ) بلوچستان کے ضلع خضدار میں دو گاڑیاں خوفناک طریقے سے آپس میں ٹکرا گئیں جس کے نتیجے میں آگ بھڑک اٹھی اور 4 افراد جھلس کر جاں بحق ہو گئے۔ جبکہ دیر بالا میں گاڑی کھائی میں گرنے سے پانچ افراد جاں بحق ہو گئے۔ تفصیلات کے مطابق  خضدار کے کرخ ایریا میں  دو گاڑیاں  ٹکرا گئیں۔ دونوں گاڑیوں میں آگ بھڑک اٹھی اور اس میں سوار چار افراد جھلس کر جاں بحق ہو گئے۔ دریں اثناء دیر بالا کے علاقے اسلام کوٹ میں گاڑی بے قابو ہوئی اور گڑھے میں جا گری۔ گاڑی میں موجود پانچ افراد جاں بحق اور چار افراد شدید زخمی ہو گئے جن کو ہسپتال داخل کرا دیا گیا۔