ہاکی :کھلاڑیوں کا اولمپک کوالیفائنگ راؤنڈ کیلئے تربیتی کیمپ اسلام آباد میں شروع 

لاہور (سپورٹس رپورٹر) قومی ہاکی ٹیم کے کھلاڑیوں کا اولمپک کوالیفائنگ راؤنڈ کیلئے دوبارہ تربیتی کیمپ نصیر بندہ ہاکی سٹیڈیم اسلام آباد میں شروع گیا۔ اولمپک کوالیفائنگ راؤنڈ 15 سے 21 جنوری تک عمان میں کھیلا جائے گا۔ قومی ٹیم کے ہیڈ کوچ شہناز شیخ نے بتایا کہ تربیتی کیمپ کیلئے ملک بھر سے 49 کھلاڑیوں کو مدعو کیا گیا تھا جن میں 45 کھلاڑیوں نے تربیتی کیمپ میں رپورٹ کر دی ہے اور تربیتی کیمپ میں کھلاڑی صبح و شام بھر پور تربیت حاصل کر رہے ہیں۔ ایونٹ میں پاکستان کے علاوہ انگلینڈ، جرمنی، نیوزی لینڈ، ملائشیا، کینیڈا، چلی اور چین کی ٹیمیں شامل ہونگی۔