لاہور (سپورٹس رپورٹر)پاکستان ٹی ٹوئنٹی سکواڈ میں شامل کھلاڑیوں نے دورہ نیوزی لینڈ کیلئے تیاریوں کا آغاز کر دیا۔ 6 روزہ  کیمپ کے پہلے روز، اعظم خان، حسیب اللہ خان، عمیر بن یوسف، عارف یعقوب، محمد عامر خان اور محمد عمران شریک نہیں۔ کھلاڑی  کیمپ کمانڈنٹ یاسر عرفات اور کوچز کی نگرانی میں قذافی سٹیڈیم لاہور میں ٹریننگ سیشن میں حصہ لیں گے۔ ٹی 20 سکواڈ میں شامل کھلاڑی، عباس آفریدی، فخر زمان، افتخار احمد اور صاحبزادہ فرحان کیمپ کا حصہ رہے۔چیف سلیکٹر وہاب ریاض نے کیمپ کے پہلے روز کھلاڑیوں کا ٹریننگ سیشن دیکھا۔