سی این جی اسٹیشنز کو گیس کی فراہمی آج صبح چھ بجے معطل کی گئی۔لاہور ريجن کے سی اين جی اسٹيشن تين روزہ بندش کے بعد جمعرات کی صبح چھ بجے کھول ديئے جائيں گے جبکہ ملتان میں یہ بندش ڈھائی روزکے لئے ہے.گیس سپلائی معطل ہونے سے قبل سی این جی اسٹیشنز پرگاڑیوں کی لمبی قطاریں دیکھنے میں آئیں جبکہ دوسری جانب گیس کی بندش کے باعث سڑکوں سے پبلک ٹرانسپورٹ غائب اور شہریوں کو شدید مشکلات کا سامنا ہے۔ادھر ٹرانسپورٹر نے صورتحال کا فائدہ اٹھاتے ہوئے کرایوں میں از خود اضافہ بھی کردیا ہے۔