پنجاب یونیورسٹی لاہورمیں لیپ ٹاپ تقسیم کرنے کی افتتاحی تقریب سے خطاب کرتے ہوئے شہباز شریف نے کہا کہ غیرملکی امداد ایسا زہرہے جو قوم کی غیرت کو کھا جاتا ہے، چند روپوں کی خاطرکشکول اٹھا کر قوم کوشرمندہ کیاگیا۔ایٹمی قوت ہونے کے باوجود پاکستان کا غیروں کے سامنے ہاتھ پھیلانا قائد اعظم اور علامہ اقبال کے نظریات کی نفی ہے۔ انہوں نے کہا کہ مارچ تک چار ارب روپے کے ایک لاکھ دس ہزارلیپ ٹاپس پنجاب کے مختلف شہروں میں طلبہ میں تقسیم کئے جائیں گے جبکہ اس کاسلسلہ دوسرے صوبوں کے طلبہ تک بھی پھیلایا جائے گا،شہبازشریف کا مزید کہنا تھا کہ طلبہ قوم کا مستقبل ہیں جوپختہ عزم اورمحنت کے ساتھ قوم کواس کا کھویا ہوا مقام واپس دلاسکتے ہیں۔